Raza Musani 
تہران: ایرانی حکام نے پہلی مرتبہ باضابطہ طور پر کہا ہے کہ ایرانی فضائیہ کے تین پائلٹ قطر کی تحویل میں ہیں، مسلح افواج کے لاپتہ افراد کی تلاش سے متعلق کمیٹی کے سربراہ بریگیڈیئر جنرل محمد باقرزاده نے بین الاقوامی کمیٹی برائے ریڈ کراس سے مداخلت اور پائلٹوں کی حالت معلوم کرنے کا مطالبہ کیا ہے۔ بیان کے مطابق یہ تین پائلٹ جواد صالحی، عبدالمجید دشتیان اور عمران بہروشیاں ہیں۔ ایران کا کہنا ہے کہ وہ 2 مارچ کو امریکی فوجی اڈے پر کارروائی کے دوران دو Su-24 طیارے گرائے جانے کے بعد زندہ گرفتار ہوئے۔ چوتھے پائلٹ مجید کاظمی کی لاش بعد میں ایران واپس لائی گئی۔ ایران کے مطابق پائلٹوں کو تقریباً چھ ماہ سے اہلِ خانہ یا ایرانی حکام سے رابطے کی اجازت نہیں دی گئی اور اسی بنیاد پر تہران نے ریڈ کراس سے ان تک رسائی اور رہائی کے لیے کردار ادا کرنے کی درخواست کی ہے۔
