Raza Musani 
واشنگٹن: امریکی صدر ڈونلڈ ٹرمپ نے دعویٰ کیا ہےکہ امریکا ایران سے افزودہ یورینیم کسی معاہدے کے بغیر بھی حاصل کر سکتا ہے۔ امریکا ایسا کرنا چاہے تو ایران اسے روک نہیں سکتا۔ صحافیوں سے گفتگو میں امریکی صدر ڈونلڈ ٹرمپ نے کہا کہ ایران سے افزودہ یورینیم حاصل کرنے کے لیے کسی معاہدے کی ضرورت نہیں۔ کیونکہ یہ مواد محفوظ مقامات پر دفن اور بند ہے۔ انہوں نے کہا کہ اگر ایران کے ساتھ معاہدہ طے پا گیا تو وہ آیت اللہ مجتبیٰ خامنہ ای سے ملاقات کو اپنے لیے اعزاز سمجھیں گے۔ ایسی ملاقات کی صورت میں وہ مکمل احترام کے ساتھ پیش آئیں گے۔ اس سے پہلے ٹرمپ نے ایران سے جنگ کے اختیارات محدود کرنے کی قرارداد پر پر برہمی کا اظہار کیا اور اسے ملک دشمنی قرار دیا۔
