Raza Musani 
تہران: ایران میں مزار پر حملے کے دو مجرموں کو سزائے موت اور دو کو عمر قید کی سزا سنا دی گئی۔ ایران کے شہر شیراز میں مزار شاہ چراغ پر گزشتہ برس اکتوبر میں حملہ کیا گیا تھا۔اس حملے میں 15 افراد شہید اور کئی زخمی ہوئے تھے۔ صوبہ فارس کی عدلیہ کے سربراہ کاظم موسوی نے بتایا کہ دہشت گردانہ حملے کے دو اہم مجرموں کو زمین پر فساد میں مدد، مسلح بغاوت اور قومی سلامتی کے خلاف کام کرنے کے جرم میں سزا سنائی گئی ہے۔ حملے کے دیگر 3 ملزمان کو 5 سے 25 سال قید کی سزا سنائی گئی ہے۔ حملے کی ذمہ داری داعش نے قبول کی تھی۔
