عالمی عدالت کا اسرائیل نواز فیصلہ، جرمنی کیخلاف درخواست مسترد

دی ہیگ : عالمی عدالت نے نکاراگوا کی جانب سے اسرائیل کی حمایت پر جرمنی کے خلاف کارروائی کی درخواست مسترد کردی۔ نکاراگوا نے گزشتہ ماہ 1948 کے نسل کشی کنونشن کی مبینہ خلاف ورزیوں پر جرمنی کے خلاف اپنا مقدمہ دائر کیا تھا۔
عدالت نے کہاکہ حالات ایسے نہیں ہیں کہ آئین کے آرٹیکل 41 کے تحت اپنی طاقت کے استعمال کے لیے عارضی اقدامات کی نشاندہی کی جائے۔ نکاراگوا نے سماعتوں کے دوران دلیل دی تھی کہ جرمنی نے اسرائیل کو اسلحہ فراہم کر کے 1948 کے نسل کشی کنونشن اور بین الاقوامی قانون کی خلاف ورزی کی ہے ۔ وہ اس بات سے بخوبی آگاہ ہے کہ وہاں نسل کشی کا خطرہ ہے۔
جرمنی نے الزامات کی تردید کی اور اس کے وکیل نے دلیل دی کہ نکاراگوا کا مقدمہ جلد بازی میں، اسے ناقص شواہد کی بنیاد پر اور دائرہ اختیار کی کمی کی وجہ سے خارج کردینا چاہیے۔