اسرائیلی فضائی حملوں میں تیزی، 4 بچوں سمیت 18 فلسطینی شہید، متعدد زخمی

غزہ: اسرائیل کے فلسطین میں فضائی حملوں میں تیزی آ گئی، حملوں میں مزید 18 فلسطینی شہید جبکہ متعدد زخمی ہوگئے۔
غزہ سول ڈیفنس کے مطابق شہید ہونے والوں میں 4 بچے اور 2 خواتین بھی شامل ہیں، اسرائیلی ڈرونز اور ہیلی کاپٹروں نے مختلف علاقوں میں 10 سے زائد حملے کیے، حملوں میں رہائشی اپارٹمنٹس، بے گھر افراد کے خیموں اور گاڑیوں کو ہدف بنایا گیا۔
غزہ سول ڈیفنس کے مطابق دیر البلاح پر اسرائیلی حملے میں حماس کے کمانڈر کمال ابو معیلق اور ان کی اہلیہ بھی شہید ہوئے۔
غزہ کی وزارت صحت کا کہنا ہے کہ اکتوبر 2025 میں جنگ بندی نافذ ہونے کے بعد سے 1230 فلسطینی شہید ہو چکے ہیں، 7 اکتوبر 2023 سے اب تک مجموعی طور پر 73 ہزار 356 فلسطینی لقمہ اجل بنے ہیں۔