Raza Musani 
ابوجا: شمال مغربی نائیجیریا کی ریاست کدونا میں پولیس نے مظاہرین پر فائرنگ کردی جس سے 6 مومنین شہید اور درجنوں زخمی ہوگئے۔ اسلامی تحریک نائیجیریا کے ارکان اپنے سربراہ آیت اللہ شیخ ابراہیم زکزاکی کے سفری دستاویزات کو روکنے کے حکومتی فیصلے کے خلاف ہفتہ وار پر امن مظاہرہ کر رہے تھے۔ قریب سے گذرنے والا ریاستی گورنر ناصر الروفائی کا ایک قافلہ مظاہرین پر چڑھ دوڑا ۔ راستہ خالی کرانے کے بہانے مظاہرین پر اندھا دھند گولیاں چلائیں۔ جس سے لوگ زخمی ہوکر سڑک پر گرگئے انہیں اسپتال لے جانے کی اجازت بھی نہیں دی گئی۔ زکزاکی کے پیروکار طویل عرصے سے ابوجا میں محمد بوہاری کی انتہا پسند حکومت پر دباؤ ڈال رہے ہیں کہ وہ ان کا پاسپورٹ جاری کرے تاکہ وہ انتہائی ضروری طبی علاج کے لیے بیرون ملک سفر کر سکیں۔ آیت اللہ زکزاکی اور ان کی اہلیہ متعدد جان لیوا بیماریوں میں مبتلا ہیں اور مناسب طبی دیکھ بھال کی عدم موجودگی میں ان کی حالت بدستور خراب ہوتی جا رہی ہے۔
