مقبوضہ کشمیر میںبھارتی درندگی برقرار، انسانی حقوق کی پامالی بندکی جائیں(او آئی سی )

رواں ہفتے مزید 6جوانوں کو جعلی مقابلوں میں شہید کردیا گیا،3جوان پلوامہ،3کو سری نگر میں شہیدکیا گیا،بڈگام اور سوپور سے ایک درجن نوجوان گرفتار
مسئلہ کشمیر مسلم ا±مّہ کا اہم معاملہ ہے، کشمیریوں کو حق خود ارادیت دیا جائے،او آئی سی، بھارت مسلم اکثریت سے اقلیت میں تبدیل کرنا چاہتا ہے،پاکستان
سری نگر(نیوز ڈیسک)مقبوضہ کشمیر میں بھارتی درندگی جاری ہے رواں ہفتے مزید 6جوانوں کو جعلی مقابلوں میں شہید کردیا گیا، ضلع پلوامہ میں بھارتی فورسز نے نام نہاد آپریشن کے ذریعے ایک بارپھربربریت کا مظاہرہ کیا اور سرچ آپریشن کے دوران فائرنگ کرکے 3 کشمیری نوجوانوں کوشہید کردیا،قابض فورسزنے وادی میں مو بائل اورانٹرنیٹ سروس بھی معطل کردی جبکہ ضلع کے داخلی اورخارجی راستے بھی بند کردیئے گئے ہیں ،ادھر سری نگر میں بھارتی فوج نے مزید 3 کشمیری نوجوانوں کو محاصرے کی آڑ میں شہید کر دیا،بھارتی فوجیوں نے بڈگام اور سوپور کے علاقوں سے 12 سے زائد نوجوانوں کو گرفتار بھی کر لیا ہے،علاوہ ازیں او آئی سی رابطہ گروپ نے عالمی برادری اور بھارت پر مقبوضہ کشمیر میں اقوام متحدہ کی قرار دادوں پر عملدرآمد اور انسانی حقوق کی فراہمی یقینی بنانے پر زور دیا ہے اس کے علاوہ بھارت سے تمام گرفتار کشمیری رہانے کا مطالبہ بھی کیا ہے ، ورچول اجلاس میں میں مقبوضہ کشمیر پر بھارتی قبضے کی مخالفت کی گئی. اجلاس میں زور دیا گیا کہ مسئلہ کشمیر مسلم ا±مّہ کا اہم معاملہ ہے اجلاس میں مقبوضہ کشمیر میں نئے بھارتی ڈومیسائل قانون کو مسترد کردیا گیا، شرکا نے بھارت پر کشمیریوں کو ان کا حق خود ارادیت دینے پر زور دیا،رابطہ گروپ کے اجلاس نے بھارت سے مقبوضہ کشمیر میں انسانی حقوق کی خلاف ورزیاں بند کرنے، کشمیریوں کا محاصرہ اور لاک ڈاو¿ن ختم کرنے کا مطالبہ کیا، وزیرخارجہ شاہ محمود قریشی کا کہنا تھا کہ بھارت بزور بازو حریت کے جذبے کو ہندوتوا سوچ سے کچلنے کی کوشش کررہا ہے اور مقبوضہ کشمیرکو مسلم اکثریت سے اقلیت میں تبدیل کرنا چاہتا ہے، گروپ کو مقبوضہ کشمیرمیں بھارتی فوج کے جعلی مقابلوں ،پیلٹ گنزکے استعمال سے آگاہ کیا۔