افریقی ملک برکینا فاسو میں مسلح افراد کے حملے میں 33 کسان ہلاک، متعدد زخمی

اواگادوگو: افریقی ملک برکینا فاسو میں مسلح افراد کے حملے میں 33 کسان ہلاک اور متعدد زخمی ہوگئے۔ برکینا فاسو کے صوبے موہون میں موٹر سائیکل پر سوار دہشت گردوں نے کسانوں کو اسوقت نشانہ بنایا جب وہ دریا کنارے فصلوں پر کام کررہے تھے۔ دہشت گردوں نے چن چن کر کسانوں کو گولیاں ماریں اور جان بچا کر بھاگنے کی کوشش کرنے والوں پر بھی گولیاں برسادیں۔ ہلاک اور زخمی ہونے والوں میں خواتین اور بچے بھی شامل ہیں۔ حملہ آور جاتے ہوئے قیمتی اشیا بھی ساتھ لے گئے۔ دہشت گردوں نے بعض گھروں اور املاک کو بھی آگ لگادی۔ سو سے زائد زخمیوں میں کئی کی حالت تشویشناک ہے۔ برکینا فاسو میں کئی ماہ سے صورتحال انتہائی خراب ہے ۔ 13 علاقوں میں آٹھ مارچ سے ہنگامی حالت نافذ ہے۔ موجودہ عبوری حکومت کے صدر کیپٹن ابراہیم ترور القاعدہ اور داعش کے زیر تسلط ملک کے 40 فیصد علاقے کا قبضہ چھڑانے کی کوشش کررہے ہیں۔