Raza Musani 
جدہ: سعودی عرب میں فٹبال ورلڈ کپ کے دوران 20 افراد کے سرقلم کردئے گئے جبکہ مزید 7 شیعہ نوجوانوں کو سزائے موت سنائی گئی ہے۔ نوجوانوں کا تعلق صوبہ الشرقیہ کے علاقے قطیف سے ہے اور انہیں جھوٹے مقدمات کے تحت پھانسی کی سزا سنائی گئی ہے۔ سیکیورٹی فورسز نے زیادہ تر نوجوانوں کو حکومت مخالف مظاہروں کے الزام میں گرفتار کیا تھا۔ دوسری جانب برطانوی اخبار ٹیلیگراف نے انکشاف کیا ہے کہ سعودی حکام نے فٹبال ورلڈ کپ کے دوران 20 افراد کی سزائے موت پر عملدرآمد کیا۔ اخبار کے مطابق ایسے وقت جب دنیا کی توجہ قطر میں فٹبال کے مقابلوں پر مرکوز تھی۔ سعودی عرب نے مخالفین کے ماورائے عدالت قتل کا سلسلہ جاری رکھا اور بیس سے زائد مخالفین کو دہشت گرد اور ملکی سلامتی کیلئے خطرہ قرار دیکر قتل کردیا ۔ اخبار نے پارلیمنٹیرینز کے ایک گروپ کے خط کا حوالہ دیتے ہوئے لکھا کہ کرسمس کی تعطیلات کے دوران ایک گروپ کی سزائے موت پر عملدرآمد کا امکان ہے۔ سعودی حکام اپنے وحشیانہ اقدام کو چھپانے کیلئے کرسمس کو کور یا ڈھال کے طور پر استعمال کرنے کا منصوبہ بنا رہا ہے۔
