کینیڈا میں ڈرائیور نے ٹرک راہگیروں پر چڑھا دیا، 2 افراد ہلاک، 9 زخمی

اوٹاوا: کینیڈا میں ڈرائیور نے ٹرک راہگیروں پر چڑھا دیا جس کے نتیجے میں 2 افراد ہلاک ہوگئے۔ کینیڈا کے شہر کیوبک میں پیش آنے والے واقعے میں 9 افراد زخمی بھی ہوئے۔ ریسکیو ورکرز نے لاشوں اور زخمیوں کو اسپتال منتقل کیا۔ زخمیوں میں سے کچھ کی حالت تشویشناک ہے۔ پولیس حکام کا کہنا ہے کہ 38 سالہ ٹرک ڈرائیور کو گرفتار کرلیا گیا ہے۔ واقعہ کی ہر پہلو سے تحقیقات جاری ہیں۔ واقعہ میں ہلاک افراد 60 اور 70 برس کی عمر کے تھے۔کینیڈا کے وزیراعظم جسٹن ٹروڈو نے ہلاک اور زخمی ہونے والے افراد کے اہل خانہ سے ہمدردی کا اظہار کیا ہے۔واقعے کے عینی شاہدین کا کہنا ہے کہ ٹرک نے پہلے فٹ پاتھ پر کھڑے متعدد راہگیروں کو ٹکر ماری اور پھر تقریباً 500 میٹر دور جا کر دیگر افراد کو بھی ٹکر ماری۔