Raza Musani 
اسلام آباد: خصوصی عدالت نے توشہ خانہ ٹو کیس میں سابق وزیراعظم عمران خان اور ان کی اہلیہ بشریٰ بی بی کو سترہ سترہ سال قید کی سزا سنا دی۔ راولپنڈی کی خصوصی عدالت نے اڈیالہ جیل میں کیس کی سماعت کی ۔ عدالت کے تحریری فیصلے میں کہا گیاہےکہ استغاثہ اپنا مقدمہ ثابت کرنے میں کامیاب رہا اور دونوں ملزمان جرم کے مرتکب پائے گئے۔
عمران خان اور ان کی اہلیہ پر فی کس ایک کروڑ چونسٹھ لاکھ روپے جرمانہ بھی عائد کیا گیا ہے۔ جس کی عدم ادائیگی پر مزید چھ چھ ماہ قید کی سزا ہوگی۔
تحریری فیصلے کے مطابق عمران خان کی عمر زیادہ ہونے اور بشریٰ بی بی کے خاتون ہونے کا خیال رکھتے ہوئے دونوں کو کم سے کم سزا دی گئی۔ مجرموں کی عرصہ حوالات کو بھی سزا میں شامل کرلیا گیا ہے۔ ملزمان پر الزام ہے کہ انہوں نے سعودی عرب کے سرکاری دورے میں ملنے والا جیولری سیٹ توشہ خانہ میں جمع نہیں کروایا۔
