امریکی مداخلت قبول کی تو ملک کبھی نہ ختم ہونے والی دہشت گردی کی لپیٹ میں چلا جائے گا، عمران خان

لاہور: پاکستان تحریک انصاف کے چیئرمین عمران خان نے کہاہے کہ امریکی مداخلت قبول کرلی تو ملک کبھی نہ ختم ہونے والی دہشت گردی کی لپیٹ میں چلا جائے گا۔ پاکستان نے افغانستان سے تعلقات خراب کیے۔ افغانستان میں امریکی جنگ میں پاکستان کو نیوٹرل رہنا چاہیے تھا۔عمران خان نے کہا کہ ہماری پولیس کے پاس جیسے ہتھیار ہیں اس سے دہشت گردوں کا مقابلہ نہیں کیا جا سکتا۔ دہشت گردوں کے پاس امریکا کے چھوڑے گئے جدید ہتھیار ہیں۔ عمران خان کا کہنا ہے کہ پرویز مشرف نے کہا کہ ہمیں امریکا کو لاجسٹک سپورٹ دینی ہے، 80 کی دہائی میں مجاہدین کو تربیت دی اور اس کو جہاد کا نام دیا، عرب ممالک سے گروہ جہاد اور جنگ کرنے آئے۔ پاکستان کی فوج وزیرستان میں بھیجی جا رہی تھی تو میں نے اختلاف کیا، قائد اعظم نے قبائلی علاقوں سے فوج کو واپس بلانے کا کہا تھا۔