Raza Musani 
دی ہیگ : عالمی فوجداری عدالت نے غزہ جنگ کے سلسلے میں اسرائیل کے مزید سیاسی اور فوجی عہدیداروں کے خفیہ وارنٹِ گرفتاری جاری کر دیے۔ اسرائیلی اخبار ہارٹز نے سفارتی ذرائع کے حوالے سے بتایا کہ عالمی فوجداری عدالت کیجانب سے جاری وارنٹس میں تین اسرائیلی سیاستدان اور دو فوجی عہدیدار شامل ہیں تاہم ان کی شناخت ظاہر نہیں کی گئی۔ ان پر غزہ میں جاری جنگ سے متعلق مبینہ جنگی جرائم کے الزامات ہیں۔ آئی سی سی کی جانب سے اس خبر کی تاحال کوئی باضابطہ تصدیق یا تردید سامنے نہیں آئی۔ اس سے قبل نومبر دو ہزار چوبیس میں عدالت نے اسرائیلی وزیرِاعظم بنیامین نیتن یاہو اور سابق وزیرِدفاع یوآو گیلنٹ کے خلاف بھی وارنٹِ گرفتاری جاری کیے تھے۔
