حزب اللہ کا اسرائیلی فوجی ٹھکانوں پر راکٹوں سے بھرپور حملہ

بیروت: حزب اللہ نے اسرائیلی حملے کے جواب میں اس کے فوجی ٹھکانوں پر بھرپور حملہ کیا ہے۔ حزب اللہ نے گولان کی پہاڑیوں میں اسرائیلی فوج کے دو ٹھکانوں پر کئی راکٹ فائر کیے ہیں۔ حملے میں مشرقی علاقے میں ہتھیاروں کے ڈپو کو نشانہ بنایا گیا۔ اسرائیلی فوج نے تصدیق کی ہے کہ لبنانی سرزمین سے گزرنے والے 55 راکٹوں کی نشاندہی ہوئی ہے۔ کچھ راکٹوں کو روکا گیا اور باقی کھلے علاقوں میں گرے جس سے آگ بھڑک اُٹھی۔ حزب اللہ نے کہا ہے کہ اس نے نفح بیرکوں میں اسرائیلی فوج کے گولان 210 ویں ڈویژن کے ہیڈ کوارٹر کے ساتھ ساتھ یارڈن بیرک میں 210 ویں ڈویژن کے توپ خانے اور بکتر بند رجمنٹ کے ہیڈ کوارٹر کو بھی نشانہ بنایا۔ جبکہ بالائی گلیلی کے علاقے میں دیگر اہداف پر بھی راکٹ داغے۔
حزب اللہ کی جانب سے تازہ حملے پیر کو اسرائیل کی جانب سے مشرقی لبنان میں ہتھیاروں کے ڈپو کو نشانہ بنائے جانے کے جواب میں کیے گئے۔