Raza Musani 
بیروت : حزب اللہ نے اپنے اہم کمانڈر ابو ہادی کے اسرائیلی حملے میں شہادت کے بعد اسرائیل پر راکٹ حملے کیے ہیں۔ حزب اللہ کے مطابق حملوں میں اسرائیلی فوجیوں کو نشانہ بنایا گیا ہے۔ جنوبی لبنان میں اسرائیل اور حزب اللہ کی جھڑپوں میں حالیہ دنوں میں اضافہ ہوا ہے۔ حزب اللہ کے حملوں میں شدت آئی ہے اور حملوں میں متعدد اسرائیلی فوجی ہلاک ہوئے ہیں۔آزاد ذرائع کے مطابق حزب اللہ کے حملوں میں اسرائیلی فوجیوں کی ہلاکتیں بتائی گئی تعداد سے کہیں زیادہ ہے۔ حزب اللہ نے اعلان کیا ہے کہ مقبوضہ فلسطین سے اسرائیلی فوج کے انخلا تک اس کی اسرائیل مخالف کارروائیاں جاری رہیں گی۔
