حزب اللہ کے اسرائیل پر ڈرون اور گائیڈڈ میزائلوں سے حملے

بیروت: حزب اللہ نے شمالی اسرائیل پر ڈرون اور گائیڈڈ میزائلوں سے شدید حملےکئے ہیں۔ حزب اللہ کا کہنا ہے کہ اسرائیلی حملوں میں اس کے دو ارکان سمیت تین افراد کی شہادت کے بعد شمالی اسرائیل میں ڈرونز اور گائیڈڈ میزائل داغے گئے ہیں۔ حملے میں المنارا ملٹری کمانڈ کے ہیڈکوارٹرز اور گولانی بریگیڈ کو نشانہ بنایا ہے۔ بالائی گلیلی کے علاقے ماؤنٹ میرون میں بستیوں کی طرف بھی میزائلوں کو داغ دیا گیا۔اسرائیل نےتصدیق کی ہےکہ فوجی اڈے کے اندر ایک بڑی ریڈار سائٹ کو نقصان پہنچا ہے۔ اس کے آئرن ڈوم دفاعی نظام نے کامیابی سے مشتبہ فضائی حملے کو ناکام کیا جو کہ لبنان سے شمالی اسرائیل میں منارا کے علاقے میں کیا گیا۔ اسرائیلی فوج کا یہ بھی کہنا ہے کہ اس نے لبنان سے منارا کے سرحدی علاقے میں داغے گئے کئی اینٹی ٹینک میزائلوں کو بھی نشانہ بنایا ہے۔