Raza Musani 
غزہ: حماس نے رفح کے واقعے سے لاتعلقی کا اظہار کرتے ہوئے گذشتہ روز سرنگ سے ملنے والی اسرائیلی یرغمالی کی باقیات کی منتقلی مؤخر کر دی ہے۔ حماس نے اسرائیلی الزامات کے جواب میں کہا ہے کہ وہ جنگ بندی معاہدے کی مکمل پاسداری پر قائم ہے۔وزیراعظم نیتن یاہو جنگ بندی معاہدے سے پیچھے ہٹنے کے بہانے ڈھونڈ رہے ہیں۔ حماس نے ثالثوں پر زور دیا کہ وہ قابض افواج پر سفاکانہ کارروائیاں روکنے کیلئے دباؤ ڈالیں اور معاہدے کی تمام شقوں کی مکمل پاسداری یقینی بنائیں۔ ادھر حماس کے عسکری ونگ القسام بریگیڈ نے کہا ہے کہ غزہ سٹی میں تلاشی کے دوران مزید دو یرغمالیوں امیرام کوپر اور سحر بروچ کی لاشیں ملی ہیں۔ گروپ نے خبردار کیا ہے کہ اسرائیلی حملے جاری رہے تو قیدیوں کی لاشوں کی تلاش، کھدائی اور بازیابی کے عمل میں سنگین تاخیر ہوگی۔
