Raza Musani 
دوحہ : حماس اور اسرائیل کے درمیان جنگ بندی معاہدے کی شرائط فائنل کرلی گئیں۔ بی بی سی کے مطابق ایک فلسطینی اہلکار نے بتایا کہ تکنیکی بات چیت میں کافی وقت لگا۔ دونوں فریقوں نے اس بات پر اتفاق کیا کہ حماس معاہدے کے پہلے دن تین مغویوں کو رہا کرے گی۔ جس کے بعد اسرائیل آبادی والے علاقوں سے فوجیں نکالنا شروع کر دے گا۔ سات دن بعد حماس مزید چار یرغمالیوں کو رہا کرے گی اور اسرائیل جنوبی علاقوں کے بے گھروں کو صرف ساحلی سڑک سے پیدل شمال میں واپس جانے کی اجازت دے گا۔ جانوروں سے کھینچی گئی گاڑیوں اور ٹرکوں کو صلاح الدین روڈ سے ملحقہ راستے سے گزرنے کی اجازت ہوگی۔ جس کی قطری- مصری تکنیکی سیکیورٹی ٹیم ایکسرے مشین سے جانچ کرے گی۔
اسرائیل نے ہزار فلسطینی قیدیوں کو رہا کرنے پر بھی رضامندی ظاہر کی ہے۔ جن میں تقریباً 190 ایسے ہیں جو 15 سال یا اس سے زیادہ کی سزا کاٹ رہے ہیں۔
