Raza Musani 
واشنگٹن: خلیج فارس میں امریکا کے اتحادی صدر ڈونلڈ ٹرمپ کی ایران جنگ اور سفارتی پالیسی سے مایوسی کا شکار ہیں۔ سعودی عرب سمیت خلیجی ممالک نے واشنگٹن سے تحفظات کا اظہار کیا ہے۔ واشنگٹن پوسٹ نے عرب اور مغربی حکام کے حوالے سے خلیجی ممالک کی بڑھتی ہوئی ناراضی کی خبر دی ہے۔ ایک عرب عہدیدار نے بتایا کہ ٹرمپ نے جنگ شروع کی اور اس کی قیمت خلیجی ممالک ادا کر رہے ہیں۔ رپورٹ کے مطابق سعودی عرب، متحدہ عرب امارات، قطر، کویت اور بحرین واشنگٹن کے طرزِ عمل سے تیزی سے مایوس ہو رہے ہیں۔ اور وہ موثر سفارتی عمل میں ناکامی پر پریشان ہیں۔ ایک سینئر یورپی عہدیدار نے سعودی عرب، ترکیہ اور پاکستان کے دفاعی معاہدے کو امریکا کیلئے واضح پیغام قرار دیا یہ اشارہ ہے کہ خلیجی ممالک امریکی سکیورٹی پر انحصار کم کرنے کیلئے متبادل کی تلاش میں ہیں۔
