Raza Musani 
غزہ : اسرائیل جنگی طیاروں کی بمباری سے غزہ میں مزید سات فلسطینی شہید اور گیارہ زخمی ہوگئے جبکہ سردی سے مزید دو بچے چل بسے۔ صیہونی فوج کے غزہ پر حملے جاری ہیں۔ جنگی طیاروں نے شمالی غزہ کے محصور جبالیہ کیمپ کو نشانہ بنایا حملے میں چار فلسطینی شہید اور سات زخمی ہوگئے۔
غزہ سٹی پر حملے میں بھی تین فلسطینی جان سے گئے۔ اسرائیلی فوج نے غزہ شہر میں سیوریج پمپنگ اسٹیشن پر بمباری کی اور اسے نقصان پہنچایا۔
ادھر سخت سردی کی وجہ سے مزید دو بچے زندگی کی بازی ہارگئے۔ وسطی دیرالبلاح اور جنوبی خان یونس میں گرج چمک کے ساتھ موسلادھار بارش سے سیلابی صورتحال پیدا ہوگئی ہے اور بے گھر فلسطینیوں کی مشکلات میں بے تحاشا اضافہ ہو رہا ہے۔
