گلگت : استور کے ضمنی الیکشن میں پی ٹی آئی کامیاب

گلگت : گلگت بلتستان ایل اے 13 استور 1 میں ضمنی الیکشن کے تمام 56 پولنگ اسٹیشنز کا غیر سرکاری، غیر حتمی نتیجہ آگیا، جس کے مطابق پی ٹی آئی کے امیدوار خورشید خان کامیاب ہو گئے۔ تمام 56 پولنگ اسٹیشنز کے غیر سرکاری، غیر حتمی نتائج کے مطابق پی ٹی آئی کے خورشید خان 6219 ووٹ لے کر الیکشن جیت گئے۔ مسلم لیگ نون کے رانا فرمان علی 5225 ووٹ لے کر دوسرے جبکہ پی پی پی کے عبدالحمید 3909 ووٹ لے کر تیسرے نمبر پر رہے۔ یہ نشست وزیراعلیٰ خالد خورشید کی جعلی ڈگری کیس میں نااہلی کے بعد خالی ہوئی تھی۔ جو پی ٹی آئی کے ٹکٹ پر منتخب ہوئے تھے۔