Raza Musani 
دیامر: تعلیم دشمنوں نے ایک بار پھر لڑکیوں کے اسکولوں پر حملے شروع کردئے۔ گلگت بلتستان کے ضلع دیامر کی وادی داریل میں تعلیم دشمنوں نے لڑکیوں کے اسکول کو جلادیا۔ پولیس کے مطابق رات گئے تین شرپسند گرلز مڈل اسکول میں گھسے اور آگ لگاکر بھاگ گئے۔ شعلوں نے فرنیچر اور دیگر سامان مکمل طور پر جلادیا۔ نامعلوم افراد کے خلاف انسداد دہشت گردی ایکٹ کے تحت مقدمہ درج کر لیا گیا ہے۔ وزیر اعلیٰ گلگت بلتستان خالد خورشید نے اس واقعہ کی تحقیقات اور اسکول کی فوری مرمت کر کے تعلیمی سرگرمیاں بحال کرنے کا حکم دیا ہے۔ اسکول کو آگ لگانے کی ذمہ داری کا ابھی تک کسی نے دعویٰ نہیں کیا۔
