جرمنی ،فرانس اور برطانیہ نے بھی شیطانی عزائم ظاہرکردئے

ایران پر اسلحہ کی پابندی میں توسیع کے امریکی منصوبے کی حمایت
برلن (نیوز ڈیسک) جرمنی، فرانس اور برطانیہ نے شیطانی عزائم ظاہرکرتے ہوئے ایران پر اسلحہ کی پابندی میں توسیع کے امریکی منصوبے کی حمایت کردی، برلن میں مشاورتی اجلاس کے بعد تینوں ممالک کے وزرائے خارجہ نے مشترکہ بیان میں الزام لگایا کہ 2019 کے بعدسے ایران نے ایسے اقدامات اٹھائے ہیں جو عالمی طاقتوں کے ساتھ 2015 کے جوہری معاہدے میں طے شدہ شرائط کی خلاف ورزی کے زمرے میں آتے ہیں ، ایران معاہدے کی تمام شرائط اور اس نکات پر مکمل عمل درآمد کرے، انہوں نے مزید کہا کہ ہمیں اب بھی یقین ہے کہ زیادہ سے زیادہ دباو¿ کی حکمت عملی اس مقصد کو موثر انداز میں انجام نہیں دے گی، اس کے بجائے ہم مذاکرات میں اور سفارتکاری کے استعمال کے دوران ایران کو جوابدہ ٹھہراو¿ کے پابند ہیں ، طویل عرصے میں ہمیں ایران کے جوہری پروگرام، اس کے بیلسٹک میزائل پروگرام اور خطے کوغیر مستحکم کرنے کی ایرانی سرگرمیوں کے بارے میں مشترکہ خدشات کو دور کرنا ہوگا۔