Raza Musani 
غزہ : صیہونی فوج کے غزہ پر حملوں میں چوبیس گھنٹوں کے دوران ستر فلسطینی شہید اور سو سے زائد زخمی ہوگئے۔ صبح سویرے غزہ سٹی میں مکان پر حملے میں بارہ فلسطینی شہید اور کئی زخمی ہوگئے۔ رات گئے دیر البلاح کے تین علاقوں پر بمباری سے نو شہری شہید اور متعدد زخمی ہو گئے۔ المنارا محلے میں مکان پر حملے میں بھی گھر کے نو افراد مارے گئے۔
اسرائیلی جنگی طیاروں نے خان یونس۔ بیت حنون۔ جبالیہ کے مختلف علاقوں کو بھی اپنی درندگی کا نشانہ بنایا۔ حملوں میں کئی فلسطینیوں کی جانیں گئیں۔
ادھر مزاحمت کاروں کے مہلک حملے بھی جاری ہیں۔ شمالی غزہ میں حملے کے دوران پانچ فوجی ہلاک اور دس زخمی ہوگئے۔ ہلاک ہونے والے فوجیوں میں ایک کیپٹن اور 4 سارجنٹ شامل ہیں، مارے گئے تمام فوجی نہال بریگیڈ کے ریکی یونٹ سے تعلق رکھتے تھے۔
