فرانس کا اسرائیل سے جنوبی لبنان میں حملے روکنے کا مطالبہ

پیرس : فرانس نے اسرائیل سے جنوبی لبنان میں حملے روکنے کا مطالبہ کردیا۔ فرانسیسی صدر ایمانویل میکرون کا کہنا ہے کہ ہمسایہ ممالک پر قبضے کی کوشش اسرائیل کی سلامتی کی ضمانت نہیں. فرانسیسی صدر ایمانویل میکرون کا کہنا ہے کہ غزہ، مقبوضہ مغربی کنارے اور جنوبی لبنان میں نیتن یاہو کی حکمت عملی طویل مدت میں خود اسرائیل کے مفادات کے خلاف ہے۔ اسرائیلی پالیسی خطے میں نفرت اور تشدد کو مزید ہوا دے رہی ہے.انہوں نے کہا کہ امریکی صدر ڈونلڈ ٹرمپ کا یہ مطالبہ درست ہے کہ بنیامین نیتن یاہو ذمہ داری کا مظاہرہ کریں۔ ان کا کہنا تھا کہ خطے میں پائیدار امن کے لیے سفارتی اور سیاسی حل ناگزیر ہیں۔
ادھر فرانسیسی وزیرِ خارجہ نے کہا ہے کہ اسرائیل کو لبنان میں اپنی کارروائیاں روکنی چاہئیں اور امریکا کو اس پر دباؤ ڈالنا چاہیے۔ انہوں نے کہا کہ خطے میں کشیدگی کم کرنے اور استحکام کے لیے عالمی سطح پر مشترکہ کوششوں کی ضرورت ہے۔