Raza Musani 
غزہ : پہلے قیدیوں کی رہائی ہو پھر جنگ بندی ہونا چاہئے؟ اسرائیل اور حماس کے مذاکرات ڈیڈلاک کا شکار ہوگئے۔ صیہونی وزیر اعظم نیتن یاہو کے ایک مشیر نے کہاہےکہ غزہ میں جنگ بندی کل ہی ہوجائے گی لیکن اس شرط پر کہ حماس اپنے زیر حراست قیدیوں کو رہا کر دے۔ جبکہ حماس نے کہاہے کہ اسرائیل کی جانب سے جنگ روکے جانے تک اسرائیلی قیدیوں کے حوالے سے کوئی بات چیت نہیں ہو گی۔ حماس نے ایک بیان میں اسرائیلی فوجی مہم کو عارضی طور پر روکنے کو بھی مسترد کر دیا اور کہا کہ صرف ایک مستقل جنگ بندی پرہی بات کی جائے گی۔ یہ ایسی جنگ بندی ہو گی جس میں فلسطینی شہریوں کے لیے محفوظ پناہ گاہوں کے قیام پر زور دیا جائے گا۔ فلسطینی شہریوں کو مناسب خوراک اور طبی امداد پہنچانے کی بات کی جائے گی۔
