Raza Musani 
کراچی: کراچی کے علاقے کورنگی نمبر دو میں کتابوں کی دکان پر فائرنگ کرکے باپ بیٹے کو شہید کردیا گیا۔ فائرنگ کا واقعہ امام بارگاہ زینبیہ میں قائم پرنس بک شاپ پر پیش آیا۔ دونوں باپ بیٹے دکان کے اندر کام میں مصروف تھے۔ موٹر سائیکل سوار تین دہشت گرد دکان پر پہنچے اور دو نے اندر داخل ہوکر ڈکیتی کا ڈرامہ کیا اور مزاحمت کی آڑ میں گولیاں چلادیں جس سے 74 سالہ محمد حسین اور 42 سالہ اسد عباس شدید زخمی ہوئے انہیں اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔ واقعے کے بعد مشتعل علاقہ مکینوں نے احتجاج کیا اور آگ لگا کر سڑک بلاک کر کے پولیس سے قاتلوں کی فوری گرفتاری کا مطالبہ کیا، باپ بیٹے کی ہلاکت پر علاقے میں شدید کشیدگی پھیل گئی ہے۔
