اسرائیلی اہداف پر ہائپرسونک میزائل داغنا اہم کامیابی ہے، عبد المالک الحوثی

صنعا: یمنی انصار اللہ کے رہنما عبدالمالک الحوثی نے اسرائیلی اہداف پر ہائپرسونک میزائل داغنے کو انتہائی اہم کامیابی قرار دیا ہے۔ٹی وی پر نشر تقریر میں عبدالمالک الحوثی نے کہا کہ یمن کا سپرسونک میزائل آپریشن جو دشمن کے نظام کو ناکام بناکر اس میں داخل ہوگیا۔ایک عظیم اور بہت اہم کامیابی ہے۔ اور یہ دشمن اور امریکی بھی جان گئے ہیں۔انہوں نے کہا کہ ہائپرسونک میزائلوں کے داغنے سے اسرائیل اور امریکہ کے سیاسی اور سیکورٹی اداروں میں شدید مایوسی ہوئی ہے۔ انہوں نے کہا کہ جب کہ دشمن اس بات پر فخر کر رہا تھا کہ وقت کی رفتار اس کے حق میں ہے وہ یمنی محاذ پر کارروائیوں کے جاری رہنے سے حیران ہے۔
انہوں نے کہا کہ دشمن نے اعتراف کیا ہے کہ وہ یمن کے چیلنج کا سامنا کرنے کے قابل نہیں ہے کیونکہ یمن ایمان، علم اور بصیرت پر انحصار کرتا ہے۔ انہوں نے مزید کہا کہ دشمن کا میڈیا اور اہلکار شکست تسلیم کرتے ہوئے کہتے ہیں کہ ایلات بندرگاہ ویران اور آپریشن سے باہر ہے۔