Raza Musani 
نیویارک : اقوام متحدہ نے میانمار میں روہنگیا مسلمانوں کی ایک اور نسل کشی کا خدشہ ظاہر کردیا۔ میانمار میں صورتحال کی تحقیق کرنے والے اقوام متحدہ کے غیرجانبدار ماہرین نے صورتحال کو تشویشناک قراردیا ہے۔ خصوصی نمائندے ٹام اینڈریوز نے عالمی برادری پر زور دیا کہ رخائن میں روہنگیا کی آبادی کو تحفظ فراہم کرنے کیلئے بہت کچھ کرنے کی ضرورت ہے۔ انہوں نے خبردار کیا کہ ایسا نہ کرنے کی صورت میں 2017 جیسے مزید واقعات ہو سکتے ہیں۔ انہوں نے کہاکہ جن قوتوں نے اس وقت نسل کش حملے کئے تھے اب وہ پورے ملک کا کنٹرول رکھتے ہیں۔ ان کی ترجیحات میں روہنگیا مسلمانوں کے انسانی حقوق کا تحفظ شامل نہیں۔
