بدخشاں میں دھماکا، نائب گورنر ملا نثار احمد احمدی ڈرائیور سمیت جاں بحق

کابل : افغانستان کے شمالی صوبے بدخشاں کے نائب گورنر ملا نثار احمد احمدی اور ان کے ڈرائیور کی کار بم دھماکے میں جان لے لی گئی جب کہ چھ افراد زخمی ہوگئے۔ ایک طالبان اہلکار نے بتایا کہ ایک خودکش بمبار نے گورنر کے قافلے کو اس وقت دھماکے سے نشانہ بنایا جب وہ سڑک سے جا رہے تھے۔بدخشاں صوبے میں طالبان کے میڈیا آفس کے سربراہ معز الدین احمدی نے کہا کہ "خودکش حملے میں نثار احمد احمدی اور ان کے کار ڈرائیور کی موت واقع ہوگئی جبکہ چھ شہری زخمی ہیں۔ابھی تک کسی گروپ نے اس حملے کی ذمہ داری قبول نہیں کی ہے۔ کئی ہفتوں بعد افغانستان میں اس نوعیت کا یہ بڑا حملہ ہے۔طالبان انتظامیہ داعش تنظیم کے ارکان کو نشانہ بنانے کے لیے کارروائیاں کر رہی ہے۔ داعش دارالحکومت کابل سمیت شہری مراکز میں کئی بڑے حملوں کی ذمہ داری قبول کرچکی ہے۔