غزہ میں انسانی المیہ پر خاموش نہیں رہیں گے، یورپی ممالک

میڈرڈ : اسپین، ناروے، آئس لینڈ اور آئرلینڈ سمیت سات یورپی ممالک کے گروپ نے اسرائیل کو خبردار کیا ہے کہ غزہ میں اپنی آنکھوں کے سامنے رونما ہونیوالے انسانی المیہ کے سامنے ہم خاموش نہیں رہیں گے۔اسپین، ناروے، آئس لینڈ، آئرلینڈ، مالٹا۔ سلووینیا اور لکسمبرگ کے رہنماؤں نے غزہ کی صورتحال پر ایک مشترکہ بیان جاری کیا ہے۔ بیان میں کہا گیاہے کہ پچاس ہزار سے زائد لوگ جانوں سے ہاتھ دھو بیٹھے ہیں۔ فوری کارروائی نہ کی گئی تو آنے والے دنوں اور ہفتوں میں بہت سے لوگ بھوک سے مر سکتے ہیں۔ بیان میں اسرائیلی حکومت سے مطالبہ کیا گیا ہے کہ وہ فوری طور پر اپنی موجودہ پالیسی تبدیل۔فوجی کارروائیوں سے گریز اور ناکا بندی ختم کرے، تاکہ غزہ کی پٹی میں بین الاقوامی انسانی ہمدردی کے اداروں کے ذریعے محفوظ، تیز رفتار اور بلا روک ٹوک انسانی امداد کی تقسیم کو یقینی بنایا جاسکے۔ بیان میں کہا گیاہے کہ جبری نقل مکانی یا فلسطینی عوام کی بے دخلی قطعی ناقابل قبول ہے اور یہ بین الاقوامی قانون کی خلاف ورزی ہوگی۔