اردوان تیسری مرتبہ ترکیہ کے صدر منتخب، ملکر اسے ترکیہ کی صدی بنائیں گے،اردوان

انقرہ: ترک صدر رجب طیب اردوان تیسری بار ترکیہ کے صدر منتخب ہوگئے۔ ترکیہ میں صدارتی الیکشن کے دوسرے مرحلے میں رجب طیب اردوان نے 52.14 فیصد ووٹ حاصل کئے۔ جبکہ ان کے مخالف کمال کلیچ داراوغلو کو 47.86 فیصد ووٹ ملے۔ سپریم الیکشن کونسل کے چیئرمین احمت ینیر نے دارالحکومت انقرہ میں صحافیوں کو ووٹوں کی گنتی کے سرکاری نتائج سے آگاہ کیا۔ اردوان کی جماعت 21 سال سے اقتدار میں ہے۔ اردوان 2003 میں وزیراعظم بنے تھے۔ جبکہ 2014 اور 2009 میں صدر منتخب ہوئے۔ اردوان فتح کے بعد دارالحکومت انقرہ پہنچے جہاں وہ صدارتی محل کے باہر جمع اپنے حامیوں سے مخاطب ہوئے۔ اُنہوں نےکہا کہ آپ نے ہمیں دوبارہ یہ ذمہ داری دی ہے۔ ہم سب ملکراسے ترکیہ کی صدی بنائیں گے۔واضح رہے کہ 14مئی کو ووٹنگ کے پہلے مرحلے میں کسی بھی امیدوار نے مطلوبہ 50 فیصد ووٹ حاصل نہیں کیے تھے ۔اردوان نے 49.52 فیصد ووٹوں کے ساتھ برتری حاصل کی تھی۔