Raza Musani 
بیروت : اسرائیل نے لبنان کے جنوبی حصے میں ایک ڈرون حملے میں فلسطینی اتھارٹی کی حکمراں جماعت الفتح کے رہنما کی کار کو نشانہ بنایا ہے۔ سیدون میں ڈرون حملہ میں کار مکمل طور پر تباہ ہوگئی اور اس میں موجود ایک فلسطینی شہید ہوگیا۔ شہید کی شناخت خلیل مکدہ کے نام سے ہوئی جو فلسطین اتھارٹی کی حکمران جماعت الفتح کے سینیئر رہنما تھے۔ وہ الفتح کے مسلح ونگ کے کمانڈر کے بھائی بھی تھے۔ حکام نے میڈیا کو یہ بتایا کہ واقعہ لبنان میں فلسطینیوں کی پناہ گزین کیمپ کے نزدیک پیش آیا۔ خلیل مکدہ اپنی گاڑی میں اکیلے سوار تھے۔
