Raza Musani 
غزہ : غزہ میں سول ڈیفنس نے ایک بیان میں کہا ہےکہ غزہ میں بار بار شہدا کی باقیات کی دریافت انسانی المیے کی گہرائی کو بے نقاب کر رہی ہے۔
سول ڈیفنس کے ترجمان محمود بصل نےایک ویڈیو بیان میں کہا کہ اسرائیل کی نسل کش جنگ کے دوران شہید فلسطینیوں کی باقیات مختلف علاقوں میں مسلسل دریافت ہورہی ہیں۔ انہوں نے کہا کہ شہدا کی باقیات کا باربار ملنا انسانی المیے کی سنگینی اور لاشوں کی بازیابی کے عمل کی پیچیدگیوں کو واضح کرتا ہے بالخصوص اس صورت حال میں جب پورا علاقہ شدید تباہی کا شکار ہے اور اس نازک فائل سے نمٹنے کے لیے تکنیکی وسائل کی شدید کمی ہے۔ انہوں نے متعلقہ اداروں اور عالمی برادری سے مطالبہ کیا کہ وہ اپنی ذمہ داریاں نبھائیں اور شہدا کی باقیات کی شناخت کے لیے ضروری وسائل فراہم کریں تاکہ ان کے خاندانوں کی اذیت اور انتظار کا خاتمہ ہو سکے۔
