ٹرمپ انتظامیہ میں اختلافات، جنگ بندی میں توسیع کے معاہدے پر فیصلہ نہ ہوسکا

واشنگٹن : وائٹ ہاؤس کے سچویشن روم میں اہم اجلاس بے نتیجہ ختم ہوگیا ۔ امریکی صدر ڈونلڈ ٹرمپ اندرونی اختلافات کی وجہ ایران سے جنگ بندی میں توسیع کے معاہدے پر فیصلہ نہ کر سکے۔ وائٹ ہاؤس کے سیچویشن روم میں منعقدہ اجلاس میں صدر ڈونلڈ ٹرمپ نے اپنے اعلیٰ مشیروں کے ساتھ ایران سے متعلق صورتحال کا جائزہ لیا۔ صدر ٹرمپ نے کہا کہ ایران کو اس بات پر رضامند ہونا ہوگا کہ وہ کبھی جوہری ہتھیار یا ایٹم بم حاصل نہیں کرے گا۔ انہوں نے یہ بھی مطالبہ کیا کہ آبنائے ہرمز کو دونوں سمتوں میں بلا رکاوٹ بین الاقوامی بحری آمدورفت کے لیے مکمل طور پر کھولا جائے۔ انہوں نے مزید کہا کہ امریکی بحری ناکہ بندی اب ختم کردی جائے گی، اس ناکہ بندی کے باعث آبنائے ہرمز میں پھنسے جہاز اب واپسی کا عمل شروع کر سکتے ہیں۔