Raza Musani 
تہران : ایران نے دعویٰ کیا ہے کہ اس نے ایک ہی دن میں امریکی و اسرائیلی فضائیہ کو بڑا نقصان پہنچایا ہے۔ پاسدارانِ انقلاب نے اسے دشمن کیلئے تاریک دن قرار دیا۔ پاسدارانِ انقلاب کے مطابق ملک کے فضائی دفاعی یونٹس نے ایک بڑے فضائی معرکے میں ایک جنگی طیارہ اور پانچ ڈرون و کروز میزائل مار گرائے۔ جاری بیان میں کہا گیا کہ مختلف علاقوں میں دشمن کے متعدد اہداف کو کامیابی سے نشانہ بنایا گیا، جو ایران کی فضائی حدود پر بڑھتے کنٹرول کو ظاہر کرتا ہے۔ ایم کیو نائن ڈرون اور دو کروز میزائل خمین اور زنجان کی فضا میں تباہ کیے گئے۔ بوشہر میں ایک ہرمس ڈرون کومار گرایا گیا۔ وسطی ایران میں ایک جدید دشمن جنگی طیارہ بھی تباہ کیا گیا۔ حکام کے مطابق مسلسل نگرانی اور جدید حکمت عملی کے باعث ایران کی فضائی حدود دشمن کیلئے مزید غیر محفوظ بنتی جا رہی ہیں۔
اس سے پہلے ایران نے امریکا کے ایف تھرٹی فائیو اور اے ٹین جنگی طیاروں کو مار گرایا۔ ایک پائلٹ کو ریسکیو کرلیا گیا جبکہ دوسرے کی ایران اور امریکا دونوں کو تلاش جاری ہے۔ امریکی نشریاتی ادارے سی این این نے تصدیق کی ہےکہ ایران کی جانب سے اب تک سات امریکی طیارے گرائے گئے ہیں۔ رپورٹ کے مطابق گرائے گئے جہازوں میں ایف 35 ، ایف 15 ایگل اور ای تھری جاسوس طیارہ شامل ہے۔
