Raza Musani 
واشنگٹن : امریکی انتظامیہ نے چین کی مخالفت کے باوجود تائیوان کو ایف 16طیاروں کے میزائلوں کی فروخت کی منظوری دے دی۔ تائیوان کو تقریباً 619 ملین ڈالر مالیت کے اسلحہ فروخت کی منظوری دی گئی ہے۔ اسلحہ فروخت کی منظوری کے بارے میں کانگریس کو مطلع کر دیا گیا ہے، ممکنہ فروخت تائیوان ریلیشن ایکٹ، دیرینہ ون چائنا پالیسی کے مطابق ہے۔ تائیوان کو ممکنہ اسلحہ فروخت کا مقصد اس کے دفاع کی صلاحیت کو بڑھانا ہے، تائیوان کے لیے امریکی اقدامات خطے، آبنائے تائیوان میں امن واستحکام برقرار رکھنے کے لیے ہیں۔ دوسری جانب چینی وزارت خارجہ کے ترجمان نے کہا ہے کہ تائیوان کے لیے امریکی ہتھیاروں کی فروخت کے نئے پیکج کی مخالفت کرتے ہیں۔ترجمان نے کہا کہ امریکا کو تائیوان کو ہتھیاروں کی فروخت اور فوجی رابطہ بند کرنا چاہیے۔
