Raza Musani 
لندن : برطانیہ ۔فرانس، جرمنی اور جاپان سمیت چودہ ممالک نے مقبوضہ مغربی کنارے میں انیس نئی بستیوں کی منظوری کی مذمت کرتے ہوئے اسے امن کیلئے خطرہ قرار دیا ہے۔
مشترکہ بیان میں بیلجیم، کینیڈا، ڈنمارک، فرانس، جرمنی، اٹلی، آئس لینڈ، آئرلینڈ، مالٹا، نیدرلینڈز، ناروے، اسپین، برطانیہ اور جاپان نے کہا کہ اسرائیل کی جانب سے انیس نئی بستیوں کی منظوری یکطرفہ اقدام ہے جو خطے میں عدم استحکام کو ہوا دے سکتا ہے۔ بیان میں خبردار کیا گیا ہے کہ یہ فیصلہ غزہ کے جامع منصوبے کے دوسرے مرحلے پر پیش رفت کو نقصان پہنچا سکتا ہے اور طویل المدتی امن و سلامتی کے لیے خطرہ بن سکتا ہے۔ ممالک نے اسرائیل سے مطالبہ کیا کہ وہ یہ فیصلہ واپس لے اور اقوام متحدہ کی سلامتی کونسل کی قرارداد 2334 کے مطابق بستیوں کی توسیع فوری طور پر روکے۔ ممالک کا کہنا تھا کہ دو ریاستی حل پر مبنی جامع، منصفانہ اور پائیدار امن کے سوا کوئی متبادل نہیں ہے۔
