مفاہیم قرآن

*شَدَدَ*

شَدَدَ کے معنی مضبوطی سے باندھنا ہے۔ اشتداد باب افتعال کا مصدر ہے۔
كَرَمَادٍ *اشْتَدَّتْ* بِهِ الرِّيحُ فِي يَوْمٍ عَاصِفٍ
سورہ ابراہیم،آیت 18
کافروں۔۔۔ کے اعمال کی مثال اس راکھ کی ہے جسے اندھڑ کے دن تند ہوا اڑا لے جائے۔۔۔
شَديد صفت مشبہہ ہے اس کی جمع شداد اور اشداء ہے۔
وَ بَنَيْنا فَوْقَكُمْ سَبْعاً *شِداداً*
سورہ نباء، آیت 12
اور تمہارے سروں پر سات مضبوط آسمان بنائے۔۔۔
۔۔۔ وَالَّذِينَ مَعَهُ *أَشِدَّاءُ* عَلَى الْكُفَّارِ رُحَمَاءُ بَيْنَهُمْ ۔۔۔
سورہ فتح، آیت 29
جو لوگ اللہ کے رسول پر ایمان لائے وہ کفار کے لئے سخت ترین اور آپس میں رحمدل ہیں۔
اَشدّ اسم تفضیل کا صیغہ ہے۔ اس کے معنی محکم و مضبوط کے ہیں۔
وَ قالُوا مَنْ *أَشَدُّ* مِنَّا قُوَّةً
سورہ فصلت، آیت 15
قوم عاد نے کہنا شروع کر دیا کہ ۔۔۔۔ ہم سے زیادہ طاقتور کون ہے؟
شَدّ کے معنی جوانی کے ہیں اہل لغت 18 سال کی عمر کو شَدّ کہتے ہیں اور اس کی جمع أَشُدَّهُ ہے۔
وَ لا تَقْرَبُوا مالَ الْيَتِيمِ إِلاَّ بِالَّتِي هِيَ أَحْسَنُ حَتَّى يَبْلُغَ *أَشُدَّهُ*
سورہ اسراء، آیت 34
اور یتیم کے مال کے قریب نہ جانا مگر اس طرح جو بہترین طریقہ ہے یہاں تک کہ وہ توانا ہو جائیں۔۔۔
قرآن مجید میں یہ لفظ اپنے تمام مشتقات کے ساتھ 102 مرتبہ ذکر ہوا ہے۔