Raza Musani 
کوئٹہ : بلوچستان کے مکران ڈویژن میں سیکیورٹی فورسز نے کلیئرینس آپریشن کیا جس میں 7 دہشت گرد مارے گئے۔ آئی ایس پی آر کے مطابق علاقے گورچوپ، تربت میں دہشت گردوں کے ٹھکانے کی اطلاع ملنے پر سیکیورٹی فورسز نے بیرونی حمایت یافتہ دہشت گردوں کیخلاف آئی بی او آپریشن کیا۔ آپریشن کا جب آغاز کیا گیا تو دہشت گردوں نے اپنے ٹھکانوں سے فرار ہونے کی کوشش کی اور سیکورٹی فورسز پر اندھا دھند فائرنگ کی۔
شدید فائرنگ کے تبادلے میں دہشت گرد گروہ کے کمانڈر حاصل ڈوڈا اور وشدل سمیت 7 دہشت گرد مارے گئے۔ دہشتگرد مکران ڈویژن میں سیکیورٹی فورسز پر کیے گئے حالیہ حملوں میں ملوث تھے۔ دہشت گردوں کے پاس سے بھاری تعداد میں اسلحہ اور گولہ بارود بھی برآمد ہوا۔
