Raza Musani 
تہران :ایران اور چین نے دوطرفہ فوجی تعاون کو بڑھانے پر اتفاق کیا ہے۔ایران کے اعلیٰ فوجی کمانڈر نے چینی وزیردفاع کے تہران کے دورے کے موقع پر یہ اعلان کیا۔ چین کے وزیردفاع وی فینگھے نے تہران میں صدر ابراہیم رئیسی سمیت اعلیٰ ایرانی عہدے داروں سے ملاقاتیں کیں اور دفاع سمیت مختلف شعبوں میں دوطرفہ تعاون کےفروغ پربات چیت کی ہے۔ ایران کی مسلح افواج کے چیف آف اسٹاف میجر جنرل محمد باقری نے کہا کہ چینی وزیردفاع کے ساتھ ملاقات میں ہم نے دونوں ممالک کی افواج کے درمیان مشترکہ جنگی مشقوں، حکمت عملیوں کے تبادلے، تربیتی امور اور دیگر مشترکہ شعبوں میں دوطرفہ تعاون بڑھانے پراتفاق کیا ہے تاکہ ہم دونوں ممالک کے علاقوں کو بہتر تحفظ مہیّا کر سکیں۔
