سعودی اتحاد کیجانب سے جنگ بندی کی ورزیاں، عید پر بھی یمن پرحملے

صنعا: سعودی اتحاد نے یمن میں اپنی ہی اعلان کردہ جنگ بندی کی خلاف ورزیوں کا سلسلہ عید پر بھی جاری رکھا عید اور باسی عید کو صوبے الحدیدہ کے مختلف علاقوں کو جارحیت کا نشانہ بنایا گیا ہے۔ سعودی اتحاد نے الحدیدہ میں 24 گھنٹے کے دوران جنگ بندی کی 83 بار خلاف ورزی کی اور مختلف علاقوں کو جارحیت کا نشانہ بنایا۔ سعودی اتحاد نے الحدیدہ کے مختلف علاقوں پر فضائی حملے کے علاوہ گولہ باری بھی کی۔انصاراللہ نے سعودی اتحاد کو جنگ بندی کے سمجھوتے کی خلاف ورزی پر سخت خبردار کیا ہے۔ واضح رہے کہ یمن میں سعودی عرب اور اس کے اتحادیوں کی جنگ و جارحیت کے نتیجے میں اب تک لاکھوں یمنی شہری شہید اور زخمی ہوچکے ہیں جبکہ چالیس لاکھ سے زیادہ یمنی شہری بے گھر اور در بدر ہوچکے ہیں۔