Raza Musani 
غزہ : صیہونی فوج نے امدادی قافلے۔ پناہ گزین کیمپ اور مکانات پر حملے کرکے چارامدادی کارکنوں سمیت اٹھارہ فلسطینی شہید کردئے۔ صیہونی فوج نے دیر البلاح میں امدادی قافلے پر فضائی حملہ کیا جس کے نتیجے میں قافلے کی حفاظت پر مامور چار محافظ شہید اور تین زخمی ہوگئے۔ صیہونی فوج نے کمال عدوان اسپتال پر ڈرون سے حملے کئے اور نصب کئے گئے ریمورٹ کنٹرول بم اڑادئے جس سے اسپتال کو نقصان پہنچا اور بیس مریض زخمی ہوگئے۔ غزہ سٹی میں ایک مکان کو حملے کا نشانہ بنایا گیا جس کے نتیجے میں چار افراد شہید اور سات زخمی ہوگئے۔ جنگی طیاروں اور ڈرونز نے جبالیہ۔ نصیرات اور غزہ سٹی میں مزید حملے کئے جس میں قیمتی جانیں گئیں۔
