Raza Musani 
لندن : برطانیہ میں اسپیشل فورسز کے ایک سابق سینئر فوجی افسر نے دوران تفتیش بتایا کہ اسپیشل ائر سروس کے پاس گولڈن پاس تھا جس کی وجہ سے انہیں قتل کے بعد فرار کی اجازت تھی۔ یہ الزام افغانستان انکوائری نے گذشتہ روز شائع کیا ہے جس میں برطانیہ کی خصوصی افواج کے ارکان کے ساتھ سات بند کمرہ سماعتوں کا خلاصہ پیش کیا گیا ہے۔ نیوی کی خصوصی فورسز کی اسپیشل بوٹ سروس کے سابق آپریشن چیف آف اسٹاف ان افسران میں سے ایک ہیں جنہوں نے دو ہزار گیارہ میں خدشات کا اظہار کیا تھاکہ درج کروائے تھے کہ ایس اے ایس پھانسیاں دے رہا ہے اور انہیں چھپا رہا ہے۔ افسر نے اس وقت ایک ای میل میں لکھا تھا کہ ایس اے ایس اور قتل لازم و ملزوم تھے اور انہوں نے آپریشنل ہلاکتوں پر رجمنٹ کی سرکاری وضاحت کو انتہائی ناقابل یقین قرار دیا۔ افسر نے انکوائری میں یہ پوچھے جانے پر کہ کیا وہ اپنے دعوے پر قائم ہے کہ ایس اے ایس کے اقدامات قتل کے مترادف ہیں، افسر نے اثبات میں جواب دیا۔
