Raza Musani 
تہراں : ایران کا سفر کرنے والے تمام مسافروں کے لئے کورونا ویکسین کارڈ اور پی سی آر ٹیسٹ کو لازمی قرار دے دیا گیا ہے امام خمینی بین الاقوامی ایئرپورٹ کے سلامتی و حفاظتی انتظامات کے امور کے ڈائریکٹر سید محمد رضا سیف نے بتایاکہ قومی انسداد کورونا کمیٹی کے فیصلے کے مطابق اب ایران کا سفر کرنے والے 12سال سے بڑے تمام ایرانی و غیر ایرانی مسافروں کیلئے ویکسین کی دونوں ڈوز کا سرٹیفکیٹ اور پی سی آر ٹیسٹ کی منفی رپورٹ کا ہونا ضروری ہے۔ یہ بھی ضروری ہے کہ ویکسین کا دوسرا ڈوز لگے کم از کم 14روز گذر گئے ہوں اور پی سی آر ٹیسٹ کی رپورٹ کو 72 گھنٹے سے زیادہ نہ گذرے ہوں۔ اس سے قبل کورونا ویکسین کارڈ یا پی سی آر ٹیسٹ رپورٹ میں سے کسی ایک کا ہونا ضروری تھا۔
