Raza Musani 
سری نگر: مقبوضہ کشمیر کے دارالحکومت سری نگر کے نوگام پولیس اسٹیشن کمپاؤنڈ میں دھماکے سے نو افراد ہلاک اور ستائیس زخمی ہوگئے۔
انڈین میڈیا کے مطابق دھماکا ضبط شدہ امونیم نائٹریٹ پھٹنے سے اس وقت ہوا جب پولیس اہلکار اور فرانزک ٹیم کے ارکان اس کا معائنہ کررہے تھے دھماکے کے بعد پولیس اسٹیشن میں آگ لگ گئی۔ اور پولیس اسٹیشن کے اندر بڑے پیمانے پر تباہی ہوئی ہے، کئی گاڑیاں مکمل طور پر آگ کی لپیٹ میں آگئیں جبکہ عمارت کے کچھ حصے کو بھی شدید نقصان پہنچا ہے۔ حکام نے ہلاکتوں میں اضافےکا خدشہ ظاہر کردیا تاہم واقعے کے حوالے سے مزید تحقیقات کی جارہی ہیں۔ یہ دھماکا دہلی میں دھماکے کے چار دن بعد ہوا ہے، جس میں تیرا افراد ہلاک ہوئے تھے، جسے انڈیا نے دہشت گردی کا واقعہ قرار دیا ہے۔
