Raza Musani 
واشنگٹن : امریکی صدر جو بائیڈن نے یوکرینی ہم منصب سے ملاقات میں یوکرین کا دفاع مضبوط بنانے اور اضافی فوجی امداد دینے کا یقین دلایا ہے۔ فروری میں روسی حملے کے بعد یوکرینی صدر پہلے غیرملکی دورے پر امریکا پہنچے تو وائٹ ہاؤس میں ان کا شاندار استقبال کیا گیا، ولادیمیر زیلنسکی نے جنگ میں تعاون پرامریکی قیادت کا شکریہ ادا کیا۔ جوبائیڈن نے زیلنسکی کو سال کا بہترین آدمی قرار دیا اور پیوٹن کو ان کی سفاکانہ جنگ کےلیے نشانہ بنایا۔ جوبائیڈن نے یوکرین کوایک ارب 85 کروڑ ڈالرکی اضافی امداد دینے اور دفاع کو مضبوط بنانے کی یقین دہانی کرائی۔ اس امداد میں میزائل ڈیفنس سسٹم بھی شامل ہے۔ زیلنسکی نے صدر بائیڈن کو فوجی میڈل دیا۔ دوسری طرف روس نواز سفارتی ذرائع نے دعویٰ کیا ہے کہ یوکرین کے صدر زیلنسکی فرار ہوگئے ہیں۔ وہ زیلنسکی کی امریکا روانگی کو روس کی کامیابی قرار دے رہے ہیں۔
