Raza Musani 
تل ابیب : بیلجیئم اور اسپین کے وزرائے اعظم کے غزہ میں قتل عام بند کرنے کے مطالبے پر صیہونی حکومت کی چیخیں نکل پڑیں۔ صیہونی وزارت خارجہ نے تل ابیب میں دونوں ممالک کے سفیروں کو طلب کرکے احتجاج ریکارڈ کرایا اور ان سے رفح بارڈر جانے پر تحفظات کا اظہار کیا۔
رفح کراسنگ پر نیوز کانفرنس میں ہسپانوی وزیر اعظم پیڈرو سانچیز نے کہا ہے کہ غزہ میں موجودہ جنگ بندی کافی نہیں اور اب مستقل جنگ بندی کی ضرورت ہے۔ انہوں نے کہا کہ اگر یورپی یونین ایسا نہیں کرتی ہے تو اسپین فلسطینی ریاست کو تسلیم کرنے کا خود فیصلہ کر سکتا ہے۔ بیلجیئم کے وزیر اعظم الیگزینڈر ڈی کرو نے کہا کہ غزہ میں تباہی ناقابل قبول ہے۔ انہوں نے غزہ میں عارضی جنگ بندی کو مستقل جنگ بندی میں تبدیل کرنے کی ضرورت پر بھی زور دیا۔
