انروا پر پابندی لگانے سے مصائب میں مزید اضافہ ہوگا، ڈبلیو ایچ او

جنیوا : عالمی ادارہ صحت ۔ڈبلیو ایچ او کے سربراہ ڈاکٹر ٹیڈروس نے خبردار کیا ہے کہ انروا پر پابندی لگانے سے غزہ کے ضرورت مندوں کے مصائب میں مزید اضافہ ہوگا۔ ڈاکٹرٹیڈروس نے کہا ہےکہ انروا ایک ہزار سے زائد طبی ارکان کے ساتھ غزہ میں صحت فراہم کرنے والا سب سے بڑا ادارہ ہے۔ جو بچوں کی ویکسینیشن۔ دوران زچگی صحت کی خدمات، غذائیت کی اسکریننگ اور دماغی صحت کی معاونت سمیت یومیہ سولہ ہزار طبی مشورے فراہم کرتا ہے۔ انہوں نےکہا کہ کوئی دوسری ایجنسی انروا کا اس پیمانے کا مقابلہ نہیں کر سکتی۔ پابندی لگانے سے ان لوگوں کے مصائب میں اضافہ ہو گا جنہیں زندگی بچانے والی دیکھ بھال کی ضرورت ہے۔