Raza Musani 
کوئٹہ: بلوچستان کے ضلع کیچ کے علاقے سنگوان میں دہشت گردوں نے پاک ایران سرحد پر سیکیورٹی فورسز کی چوکی کو نشانہ بنایا۔ آئی ایس پی آر کے مطابق دہشت گردوں اور سیکیورٹی فورسز کے درمیان فائرنگ کا تبادلہ ہوا، چیک پوسٹ پر موجود جوانوں نے دستیاب ہتھیاروں کے ساتھ بہادری سے جواب دیا۔ فائرنگ کے تبادلے کے دوران سپاہی حسنین اشتیاق اور سپاہی عنایت اللّٰہ نے جامِ شہادت نوش کیا۔ جوابی کارروائی میں دہشت گردوں کو کامیابی سے پسپا کر دیا گیا۔ آئی ایس پی آر کا مزید کہنا ہے کہ علاقے میں فوری طور پر کلیئرنس آپریشن شروع کر دیا ہے۔ دہشت گردوں کو فرار ہونے سے روکنے کے لیے ایرانی حکام کے ساتھ رابطے میں ہیں۔
